All guides
User guide

Hamma uchun: boshlash

Tizimga kirish, ekran tuzilishi, bildirishnomalar, parol, til va tun rejimi.

In the dialog that opens, choose "Save as PDF" or send it to a printer.
For now this guide is available in Uzbek only. A translation is coming soon.
1

Tizimga kirish

Login va parolni sizga markaz administratori yoki direktor beradi. Ilova o'rnatish shart emas: kompyuter yoki telefondagi istalgan brauzer yetarli.

  1. Brauzerda markazingiz manzilini oching (masalan examaker.uz yoki markazning o'z sayti) va Kirish tugmasini bosing.
  2. Login maydoniga loginingizni yozing (masalan: ali.valiyev).
  3. Parol maydoniga parolingizni yozing. Ko'z belgisini bossangiz, yozgan parolingiz ko'rinadi.
  4. Kirish tugmasini bosing. Siz o'z bosh sahifangizga tushasiz.
Tizimga kirish
Tip: Parolni 5 marta noto'g'ri yozsangiz, hisob 15 daqiqaga qulflanadi. Parolni unutgan bo'lsangiz, administratorga ayting: u yangi parol beradi.
2

Ekran tuzilishi

Hamma sahifalar bir xil tuzilgan, shuning uchun bir marta o'rgansangiz bas.

  1. Chapdagi menyu: barcha bo'limlar shu yerda. Siz faqat o'z rolingizga kerakli bo'limlarni ko'rasiz.
  2. Yuqori o'ng burchak: oy belgisi (tun/kun rejimi), UZ (tilni almashtirish), qo'ng'iroqcha (bildirishnomalar) va profil menyusi.
  3. Menyuning pastida ismingiz va chiqish tugmasi turadi.
  4. Telefonda menyu yashirin bo'ladi: uni ochish uchun yuqori chapdagi uch chiziq belgisini bosing.
Ekran tuzilishi Ekran tuzilishi
3

Bildirishnomalar

Yangi imtihon, baho, to'lov, dars bekor qilingani kabi muhim voqealar haqida tizim o'zi xabar beradi.

  1. Qo'ng'iroqcha ustidagi qizil raqam o'qilmagan xabarlar sonini ko'rsatadi.
  2. Qo'ng'iroqchani bosing: barcha xabarlar ro'yxati ochiladi.
  3. Xabarni bossangiz, tegishli sahifaga o'tasiz (masalan natija yoki chek).
Bildirishnomalar
4

Profil, parol va ko'rinish

Profil menyusi yuqori o'ng burchakdagi odamcha belgisida.

  1. Profil: ism, telefon va boshqa ma'lumotlaringiz.
  2. Parolni o'zgartirish: avval eski parolni, keyin yangisini ikki marta yozing. Birinchi kirishdan keyin parolni o'zingizniki bilan almashtirish tavsiya qilinadi.
  3. Ko'rinish: tun yoki kun rejimi, o'zingizga yoqqan rang va til (o'zbekcha, ruscha, inglizcha).
  4. Faol seanslar: hisobingiz qaysi qurilmalarda ochiqligini ko'rasiz. Begona qurilma bo'lsa, uni shu yerdan chiqarib yuborasiz.
Profil, parol va ko'rinish
Tip: Parolingizni hech kimga bermang. Markaz xodimlari ham sizdan parol so'ramaydi.
5

Tizimdan chiqish

Begona kompyuterda ishlagan bo'lsangiz, albatta chiqib keting.

  1. Menyuning pastidagi chiqish belgisini yoki profil menyusidagi Chiqish ni bosing.
  2. So'ralganda yana bir marta tasdiqlang.

Other guides

Direktor Markaz rahbari yoki egasi Administrator (kassir) Qabulxona va kassada ishlaydigan xodim O'qituvchi Guruhlarda dars beradigan ustoz O'quvchi Markazda o'qiyotgan o'quvchi Ota-ona O'quvchining ota-onasi